Teergi ke hisaar mein hoon main
Roshni tak mujhey pahuchna hai
Roshni woh jo meri manzil hai
Faasla do qadam ka hai ussey
Jis andhere mein main muqayyad hoon
Jaanib-e-roshni jo badhta hoon
Yeh andhera bhi saath chalta hai
Faasla do qadam ka donon ke
Darmiyaan barqaar rahta hai
Khel jaane yeh kab se jaari hai
Zindagi mujh pe kitni bhaari hai
Dil se bas yeh duaa nikalti hai
"Faasla kam agar nahin hota
Teergi ke hisaar ko mere
Aiy khuda is qadar wasee karde
Roshni mujhse door ho jaaye!!!!"
No comments:
Post a Comment